成日都咁仆街‧
今日已經八點門口，去到已經差唔多8點11‧
本來在MTR和路上是超興奮的，很期待的‧去到那裡，已經有五六個intern 的學生站在秘書Bianca 前‧然後Bianca 開始分派匙卡，之後帶我們見老細‧我的老細是Wallus，開頭已經說錯了他的名字，因為他在電話上叫「Richard, 幫我xxxx」我懶醒再加聽錯，以為他說「喂，Richard 呀，幫我....」怎知他糾正我說他的名字是Wallus‧我記人名是很差的，唯有不停地想「威路氏、我用威路氏.....」的Wallus‧後來他介紹一個女仔給我認識，原來都是under 他的，叫Venus (我隔幾分鐘後已要問她叫什麼 =_=)‧之後她介紹什麼同事給我識，「呢個 Agnes (我以為是Alice, 看台上的牌才知是Agnes)、呢個King、呢個乜乜、呢個物物」介始了差不多六七個人的名字，我心想：頂你，點記得哂呀？
首先我們三個：我、阿唐、Leo被一個叫YM 的人帶領參觀設施，他給我的感覺是笑面虎來的，很喜歡說些不好笑的笑話，又要笑，有個staff 剛巧在茶水間遇到他，他又說些無聊東西(不記得了)，我們大家都要：哈哈哈...感覺是超有陪笑feel ...
然後我們上樓拿電腦，是呀！拿電腦，還要一次過拿LCD、主機、keyboard mouse 等東西‧重撚到.. 我現在也覺得很累！
我被assign 到一張台，旁邊的男同事是和我不同上司的，連打招呼都沒有...唉
到了中午吃飯又是好仆街‧本來以為我自己一個吃，算..沒所謂，我不介意一個人吃‧怎知阿唐邀請我吃飯，咦...幾好丫‧怎知原來要和Leo 的同事，一整班地食飯！是一整班！大概有8, 9個人啦，只有一個我是認識的，就是interview 我的 Patrick‧在吃飯過程中是超尷尬的，我一個都不認識，只是認識一同intern 的Leo 和阿唐，而Leo 又坐在超遠，我又不太擅長打開話題，兩個人就算是比較熟都沒什麼東西好說‧還有就是，辦公室和大學的確是不同level，大學是開開心心的，想說粗口就說粗口，講女就講女，講av也可以，什麼也不講也不覺得突兀的，很free的；而在Leo 的同事中的話題除了說說一位女仔的是非外，還有說一位懷孕的女士的嬰兒大小，說什麼頸長多少(我都沒留心他們的無聊東西了)，還有他們的panel doctor要醫十次才醫好什麼什麼... 呀...還有近期的話題，醫生開錯藥‧屌，關我撚事咩！？我現在才知在大學和 Crespo 他們吃飯是那麼開心的，無拘無束，講講近排玩什麼game, 做過些什麼, 看過什麼無聊電視節目, 高登有什麼無聊東西.. 而且因為在座有女生，粗口也沒有說，而且每個人都不說，我哪敢說呢？
還有另一點令我不安的是，是要夾錢的‧屌，去唔知乜撚酒樓食飯，唔駛錢呀？好彩今次Patrick 話請我地..聽日都唔知點算‧同佢地食飯？自己一條友去food court？去7-11 買d 波仔飯日日叮黎食？要食成年喎...不過最差的是和一班陌生人食飯‧
仲有一樣抵屌既地方係，我今日係無做過任何野‧我指工作上‧Zero production‧我都唔撚明，HSBC 咁大間公司連開個user a/c 都攪咁耐；屌，o係active directory 就咁right click 之後new user 之嗎，駛唔駛我教你呀？佢係做左成日，到我放工都未有得login ；你冇病下嗎？我都唔知我個高級我少少既Venus 係玩我定點，邊有可能整個a/c 整咁q 耐？佢叫我睇住d mannual 過下日神，頂，d programming manual 真係廢過唔廢，講乜撚野公司既security policy，每個人有乜職責等等，成10幾頁紙吹埋d 咁既戇鳩野‧睇完又叫我上網睇，都係d 無撚聊聊，得個吹字既manual ，例如叫你寫programme 要d comment 點呀，d variables 又有d rules 去跟... 最慘的是，因為是上班，又不能上些無聊網站，如TV谷、高登、gamespot... 無啦啦有JJ 相就唔好啦，搏炒咩‧所以我不敢去其他網站，除了hsbc 那個IT handbook 網站外‧我仲見到Leo 和阿唐有人教，屌，我就無撚人教‧那幾個鐘頭真是超難過，由一至五，4小時內都冇野做，逼住睇manual, 又冇得上網.....人地都有人教啦，大佬，你唔係淨係浪費你d 錢俾人工我，仲係浪費緊我d 時間呀！我黎係學野，唔係坐o係度架‧
到最後真係太悶，而且係超嬲...我心諗，係你地辦事不力令到我做唔到野，我而家做自己野冇問題丫，於是去了201網頁看Lecture Notes 學JAVA，要黎解悶唔錯！最起碼有野做、有野諗丫屌‧
點算呢聽日...
其實諗深一層，乜都係我諗出黎‧d 同事都冇乜唔好丫，冇野做，咪幾好...但我點解咁嬲呢？可能就係被逼睇左幾個鐘IT Handbook既原因...唔係一定要睇，不過係冇其他野可以做而睇‧我更無聊地周圍望，點解個個都咁忙咁既呢？有冇人理下我呢個悶到就黎死既intern 仔？真係「邊撚個得閒理？」
No comments:
Post a Comment